اسلام آباد: پاکستان کی آئی ٹی برآمدات ملکی تاریخ کی بلند ترین سطح پر پہنچ گئی ہیں۔
سرکاری اعداد و شمار کے مطابق اکتوبر 2026 میں آئی ٹی کی برآمدات 45 کروڑ 30 لاکھ ڈالر رہیں، جو ماہانہ بنیادوں پر ملکی تاریخ کی بلند ترین سطح ہے۔
ماہرین کے مطابق آئی ٹی برآمدات میں اضافہ ملک کے نوجوانوں کی صلاحیتوں، فری لانسنگ اور سافٹ ویئر خدمات کی بڑھتی ہوئی عالمی طلب کی عکاسی کرتا ہے۔
ان کا کہنا ہے کہ اگر انٹرنیٹ کی سہولیات، ڈیجیٹل انفراسٹرکچر اور تربیت کے مواقع مزید بہتر بنائے جائیں تو آئی ٹی کا شعبہ ملک کے لیے زرمبادلہ کمانے کا ایک بڑا ذریعہ بن سکتا ہے۔