اسلام آباد: ایشیائی ترقیاتی بینک (اے ڈی بی) نے پاکستان کے لیے 50 کروڑ ڈالر قرض کی منظوری دے دی ہے۔
اے ڈی بی کے اعلامیے کے مطابق 50 کروڑ ڈالر کا یہ قرض وفاقی سول پنشن نظام میں اصلاحات کے لیے دیا جائے گا۔
حکام کے مطابق پنشن کے بڑھتے ہوئے اخراجات وفاقی بجٹ پر بڑا بوجھ ہیں، اور سول پنشن نظام میں اصلاحات کا مقصد اسے مالی طور پر پائیدار بنانا ہے۔
ماہرین کا کہنا ہے کہ عالمی مالیاتی اداروں کی معاونت سے کی جانے والی اصلاحات سرکاری مالیات میں بہتری اور طویل مدتی مالی استحکام کے لیے اہم ثابت ہو سکتی ہیں۔