اسلام آباد: وزیراعظم محمد شہباز شریف نے کہا ہے کہ موسمیاتی آفات سے نمٹنے کے لیے عالمی برادری کو مشترکہ کوششیں بروئے کار لانا ہوں گی۔
کوپ 31 کانفرنس سے خطاب کرتے ہوئے وزیراعظم نے کہا کہ پاکستان نے ماحولیاتی اقدامات کے عملی نمونے کے طور پر اپنا کردار ادا کیا ہے، اور موسمیاتی تبدیلی سے نمٹنے کے لیے مالی وسائل اور سبز ٹیکنالوجی کی منتقلی ناگزیر ہے۔
انہوں نے کہا کہ پانی کی کمی بھی ایک اہم چیلنج ہے، اور ترقی پذیر ممالک کو موسمیاتی مالیاتی معاونت کے ذریعے مدد فراہم کی جانی چاہیے تاکہ وہ آفات سے بروقت نمٹ سکیں۔
وزیراعظم نے عالمی رہنماؤں پر زور دیا کہ وہ موسمیاتی تبدیلی کے چیلنجز سے نمٹنے کے لیے عملی اقدامات کریں اور ترقی پذیر ممالک کے ساتھ ٹیکنالوجی اور مالی وسائل کے تبادلے میں تعاون بڑھائیں۔
