کراچی: ملک میں سونے کی قیمت میں نمایاں کمی دیکھنے میں آئی ہے، فی تولہ سونا 6 ہزار 500 روپے سستا ہوکر 4 لاکھ 29 ہزار 136 روپے کی سطح پر آ گیا۔
آل پاکستان صرافہ جیولرز ایسوسی ایشن کے مطابق سونے کی قیمت میں یہ کمی بین الاقوامی بلین مارکیٹ میں سونے کی قیمتوں میں کمی کے باعث سامنے آئی ہے۔ عالمی سطح پر سونے کی قیمتوں میں اتار چڑھاؤ کا براہ راست اثر مقامی صرافہ بازار پر بھی مرتب ہوتا ہے۔
صرافہ ذرائع کا کہنا ہے کہ ڈالر کے مقابلے میں روپے کی نسبتاً استحکام اور عالمی منڈی میں سرمایہ کاروں کے رجحان میں تبدیلی بھی مقامی سطح پر سونے کی قیمتوں میں کمی کا باعث بنی ہے۔
ماہرین کے مطابق آئندہ چند روز میں سونے کی قیمتوں میں مزید اتار چڑھاؤ متوقع ہے، اور سرمایہ کاروں کو عالمی مارکیٹ کے رجحانات پر نظر رکھنے کا مشورہ دیا گیا ہے۔
