کوئٹہ میں بی اے مال کے سامنے جاری دھرنے کے شرکاء اور حکومتِ بلوچستان کے درمیان مذاکرات آج صبح تقریباً 4:30 بجے کامیاب ہوگئے، جس کے بعد دھرنا کمیٹی نے احتجاج ختم کرنے کا اعلان کر دیا۔
مذاکرات کے دوران وزیرِاعلیٰ بلوچستان نے شہداء کے لیے خصوصی پیکج، جبکہ ان کے بچوں کی کفالت اور دیگر فلاحی اقدامات کا اعلان کیا۔ دوسری جانب دھرنا کمیٹی نے صوبے میں سکیورٹی مزید مؤثر بنانے، اضافی چیک پوسٹس قائم کرنے اور دہشت گردی کے خلاف سخت اقدامات کا مطالبہ کیا۔
ادھر کوئلہ پھاٹک میں زیارت شہداء کے لواحقین کا دھرنا بدستور جاری ہے، جہاں تاحال حکومت کی جانب سے کوئی مذاکراتی وفد یا ٹیم نہیں پہنچی۔